महेन्द्र मावि जलथलका शिक्षक र जग्गादातालाई पूर्व विद्यार्थी समाजको सम्मान

हल्दिवारी ४ बड़ाबारी स्थित पूर्व विद्यार्थी समाज महेन्द्र माविले चार जना शिक्षक र एक जना जग्गादातालाई सम्मान गरेको छ । आज विहिवार गुरु पूर्णिमाको अवसरमा विद्यार्थी समाजले शिक्षक र दातालाई सम्मान गरेको हो। 

शिक्षक रामचन्द्र उप्रेती, गणेश प्रसाद नेपाल, जर्नादन उप्रेती , डिल्लीराम उप्रेती र जग्गादाता इन्द्रलाल राजवंशी लाई सम्मान गरेको हो। 

त्यस्तै एसईईमा उत्कृष्ट अंक ल्याउने निशा घिमिरे लाई सम्मान गरेको छ। 

समाजका अध्यक्ष पुष्पराज निरौलाको अध्यक्षतामा भएको कार्यक्रममा प्रमुख अतिथि हल्दिवारी गाउँपालिकाको अध्यक्ष रविन्द्र लिङदेन र विशिष्ट अतिथि उपाध्यक्ष लक्ष्मीदेवी मैनाली लगायतले उनीहरुलाई सम्मानपत्र  , मायाको चिनो सहित सम्मान गरेका थिए। 

 स्वागत समाजका उपाध्यक्ष कुशव मैनालीले गरेको कार्यक्रमको औचित्यमाथि अर्का उपाध्यक्ष हेमा मिश्र पौडेलले प्रकाश पारेकी थिइन । 

कार्यक्रमको सञ्चालन समाजका सचिव  प्रल्हाद सिलवालले गरेका थिए। 

कार्यक्रममा नेपाल रेडक्रस सोसाइटी उपशाखा जलथलका सभापति प्रेमप्रसाद खरेल , हल्दिवारी ४ का वडाध्यक्ष सन्तकुमार थापा , १ का वडाध्यक्ष देबी बहादुर थापा , स्कुलका प्रधानध्यापक ,प्रमुख अतिथि पालिका अध्यक्ष  लिङ्देन लगायतले शुभकामना मन्तव्य राखेका थिए।