झापाको सुरुङ्गाबाट लागू औषध सहित दुईजना व्यक्ति पक्राउ परेका छन्। 

इलाका प्रहरी कार्यालय सुरुङ्गाका इन्चार्ज सई  सुवास ढुङ्गानाको नेतृत्वमा खटिएको टोलीले आज बिहान सुरुङ्गा बजारबाट लागु औषध सहित एक पुरुष र एक महिलालाई पक्राउ गरेको हो। 

प्रहरीका अनुसार पक्राउ पर्नेमा सिन्धुली भिमा नगरपालिका १० बस्ने वर्ष २६ को विनोद विक र झापा गाउँपालिका ३ बस्ने वर्ष २४ को प्रेमकला महत्व  रहेका छन् । 

उनीहरू सुरुङ्गाबाट हायस गाडीमा काठमाडौँ जान लाग्दा पक्राउ परेका हुन्। 

प्रहरीलाई प्राप्त गोप्य सूचनाका आधारमा उनीहरू पक्राउ परेको बताइएको छ। 

उनीहरूको साथबाट प्रहरीले  ३ सय  ग्राम ब्राउन सुगर बरामद गरेको इलाका प्रहरी कार्यालय बिर्तामोडका डिएसपी विजय श्रेष्ठले जानकारी दिए।का विषयमा थप अनुसन्धान भइरहेको उनले जानकारी दिए।