_1750128007.jpg)
झापा : भद्रपुर भन्सार कार्यालय सुनसान छ । कर्मचारी फुर्सदिला छन् । मजदुरहरू भन्सारभित्रै मोबाइलमा लुडो खेलेर दिन कटाउँछन् । यस्तो दृश्य विगतका वर्षहरूमा यसबेला तिर देख्न पाइँदैन थियो ।
भद्रपुर भन्सार भन्नेबित्तिकै लत्ताकपडा भारतबाट आयात हुने पूर्वकै मुख्य नाका भनेर चिनिन्थ्यो । तर, अहिले चाडपर्व होस् या अन्य समय भद्रपुर नाका भएर आयात हुने लत्ताकपडा ठप्पजस्तै छ । भन्सारमा बसेर दिन कटाइरहेका मजदुरहरू भन्छन्, ‘दसैं, तिहार आउन तीन महिनाअघिदेखि नै भन्सार खचाखच हुन्थ्यो । कर्मचारी होस् वा व्यापारी खाजा खाने फुर्सद हुँदैनथ्यो ।’
कारोबारी र व्यापारीहरू हातमा फारम लिएर सामन जाँच गराउन कर्मचारीको पालो कुर्नुपर्ने अवस्था थियो । यसपालि दसैं आउन एक महिना पनि छैन । ‘चोरी–तस्करी बढ्दा भन्सार सुनसान बन्यो, हाम्रो रोजीरोटी पनि मर्यो,’ एक मजदुरले भने ।
विगत सम्झिँदै भद्रपुर भन्सार प्रमुख अर्जुनप्रसाद सिटौला भन्छन्, ‘मलाई याद छ, २०७३र७४ सालतिरको कुरा हो । हामी मेची भन्सारबाट खटिएर यहाँ आउँथ्यौ । त्यसबेला यो सिजनमा मेची नदी तैराएर ल्याउने लत्ताकपडा भन्सारको गोदाममा राख्ने ठाउँ नै हुँदैनथ्यो । भन्सार प्रमुख अमित तिवारीको समयमा पनि यस्तो सिजनमा भन्सार भरिभराउ हुन्थ्यो ।
_1736908732.jpg)
अहिले ठिक्क उल्टो भएको छ । भन्सारका गोदामहरू खाली छन् । लत्ताकपडा ल्याउने कारोबारी र व्यापारीको अनुहार नै भन्सारमा देख्न पाइँदैन । ‘अहिले भन्सारमा काम नभएर हामी फुर्सदिला भएका छौँ, भन्सारको अवस्था हेर्दा दिक्क लाग्छ, कहिलेकाहीँ त समय कटाउनै गाह्रो पो हुन्छ,’ भन्सार प्रमुख सिटौलाले थपे ।
भन्सारको तथ्यांक केलाउँदा विशेषगरी चाडपर्व लक्षित महिनाहरू ९साउन, भदौ, असोज र कात्तिक०मा सबैभन्दा बढी राजस्व संकलन हुने गरेको पाइएको छ । आर्थिक वर्ष २०७८र७९ देखि गत आव २०८१र८२ सम्म चार वर्षको अवधिमा राजस्व संकलनमा थपघटसमेत भइरहेको तथ्यांकले देखाएको छ ।
आव २०७८र७९ मा २४ करोड १३ लाख, आव २०७९र८० मा ९ करोड ४७ लाख, आव २०८०र८१ मा २४ करोड ३४ लाख र २०८१र८२ मा २० करोड ४६ लाख रुपैयाँ राजस्व असुली भएको भन्सार प्रमुख सिटौलाले बताए । उनका अनुसार अन्य महिनान्दा चार महिना सबैभन्दा बढी राजस्व असुली हुने भन्सारमध्ये भद्रपुर पर्छ ।
आव २०७८र७९ को साउनमा २ करोड ७२ लाख, भदौमा ३ करोड ६७ लाख, असोजमा ५ करोड ७ लाख र कात्तिकमा ३ करोड ७४ लाख लक्ष्यभन्दा बढी राजस्व असुलीसम्म भएको यस भन्सारमा २०८१र८२ को साउनमा १ करोड २५ लाख, भदौमा १ करोड ७५ लाख, असोजमा १ करोड ८२ लाख र कात्तिकमा १ करोड २७ लाख रुपैयाँ राजस्व लक्ष्यभन्दा कम उठेको थियो ।
अघिल्लो वर्षको तुलनामा चार वर्षअघि २०७८र७९ को राजस्व असुलीमा वृद्धि भएको थियो । चालु आव २०८२र८३ को चाड पर्वलक्षित महिनाअनुसार साउनमा १ करोड ९७ लाख राजस्व असुली लक्ष्य राखेकोमा १ करोड ६८ लाख राजस्व उठेको छ । भदौमा २ करोड १४ लाख लक्ष्य असुली राखेकोमा भदौ १० गतेसम्म ५१ लाख ८० राजस्व उठेको भन्सार प्रमुख सिटौलाको भनाइ छ ।
‘भन्सारमा क्रमशः राजस्व संकलन गिरावटको मुख्य कारण नै सीमा नाकाबाट चोरी–तस्करी नरोकिँदाको परिणाम हो,’ भन्सार प्रमुख सिटौलाले भने, ‘भन्सारमा लत्ताकपडा आउन छाड्यो, चाडपर्वमा आवश्यक पर्ने लत्ताकपडा बजारमा कहाँबाट आइरहेको छ त रु ’
‘हामीसँग हतियार पनि छैन, सीमा नाकामा गस्ती गर्ने जनशक्ति पनि छैन,’ उनले थपे । गत असार २६ गते जिल्ला प्रशासन कार्यालय झापामा बसेको राजस्व चुहावट नियन्त्रण समितिको बैठकमा भद्रपुर भन्सारले राजस्व संकलनमा गिरावट आइरहेको कार्यपत्र प्रस्तुत गरेका थिए ।annapurnapost.com
