_1750128007.jpg)
बिर्तामोड : नेपाल वितरक महासंघ कोशी प्रदेशको अध्यक्षमा नविन तामाङ निर्वाचित भएका छन् । झापाको बिर्तामोडमा भएको महासंघको दोस्रो साधारणसभा तथा अधिवेशनले तामाङलाई अध्यक्षमा सर्वसम्मत चयन गरेको हो ।
आज सम्पन्न अधिवेशनले तामाङको नेतृत्वमा १७ सदस्यीय समिति निर्वाचित भएको हो । यसअघि महासंघको अध्यक्षमा कृष्णराज श्रेष्ठ रहेका थिए ।
त्यस्तै, महासंघको वरिष्ठ उपाध्यक्षमा लालबहादुर कार्की, उपाध्यक्षमा युवराज घिमिरे, शुभराज थापा, महासचिवमा सन्तोषकुमार श्रेष्ठ, सचिवमा निर्मल खतिवडा र कोषाध्यक्षमा हिमाल श्रेष्ठ निर्वाचित भएका छन् ।
त्यस्तै, सदस्यमा बद्री सेढाईं, विपिन थापा, रामराज भण्डारी, शम्भु आचार्य, कुमार बस्नेत, मन्टु रौनियार, एलिस खनाल, ध्रुव कनाल र सन्तोष भट्टराई निर्वाचित भएका छन् ।
_1736908732.jpg)
यसैबीच, महासंघले आयोजना गरेको अन्तरक्रिया कार्यक्रममार्फत १३ बुँदे घोषणापत्र सार्वजनिक गरेको छ । कोशी प्रदेशका ४३ जना कम्पनी प्रतिनिधि र १२४ जना वितरक व्यवसायीबाट प्राप्त सुझावमार्फत घोषणापत्र जारी गरिएको हो ।
